هو حاجة زي الكيميا.. حاجة كدة بتحصل متعرفلهاش تفسير
الحب هو إنك تحب إنسان معين لذاته مش لأي حاجة تانية
هو إنك تشوف حبيبك أجمل واحد في الدنيا..
أحلى من كل البشر
الحب هو إنك تخاف عليه
الحب هو إن هو يخاف عليك أكتر ما بتخاف على نفسك
الحب هو إنه يوحشك و هو جنبك
هو إن حبيبك يبقى مالي عينيك
هو إنك تحافظ على كرامة اللي بتحبه وتحط صورته دايما أصاد عينيكالحب هو إنك تبقى عايز تتغير و تكون أحسن عشانه هو..
لما تبقى ضحكة حبيبك و سعادته عندك أهم من أي حاجة تانية
الحب هو مكالمة تليفون تجيلك في عز مانت مشغول و متضايق و تنسيك تعب الدنيا
الحب هو حد بيقولك كل سنة وانت طيب ليلة عيد ميلادك
هو لما تحس انك قادر تواجه اي مشكلة مادام الشخص ده واقف جنبك
الحب لما تبقى عايز تشوف حبيبك احسن واحد في الدنيا
الحب لما حبيبك ياخد بايدك و يقربك من ربنا
الحب لما تحس بالامان وانك ماسك الدنيا كلها بايدك
الحب لما تدي للي بتحبه من غير ما يسال
الحب هو انك تغفر لحبيبك
هو انك تسامح
الحب لما تفهم حبيبك من نظرة عينيه..
الحب هو انك تقابل توأم روحك
الحب لما تحس بحبيبك من غير ما يتكلم حتى وهو بعيد عنك
الحب لما متعرفش مين بيحب التاني أكتر
هو ده الحب..
ياترى حبيت قبل كده؟؟؟
ياترى لاقيت توئم روحك؟؟
ياترى حبيبك أغلى عندك من نفسك؟؟
ياترى بتسعده؟؟
وبتتمناله الرضا؟؟
ياترى شايف انه يستاهلك؟؟
وانت تستاهله؟؟
ياترى بنحسسه انك بتحبه؟؟
بتقسى عليه؟؟
ياترى بتلجئله وانت تعبان؟؟
بتلجئله وانت مخنوق؟؟
بتحتاج لحضنه وانت بتبكي؟؟
..ياريت تروح دلوقتي لحبيبك او حبيبتك تقوله انك بتحبه
وإنه أغلى حاجه عندك وإنك عمرك ما هتتخلى عنه ابدا...مهما كان...
الأحد يناير 31, 2010 8:54 am من طرف بسكوتة
